生活誌

今天我是憤怒MODE，我真的給客人氣壞了。

雖然本人從事服務性行業，但不代表我沒有性格。抱歉，今天真的是憤怒MODE。
無錯，服務性行業，以客為先，我知。
但我絕對唔會因為一個客嘅服務request，而去罔顧安全。
我唔想因為我要serve你2個客，而令到機上另外54名乘客嘅安全不能得到保障。
可能你會話我誇大，但試諗一下以下情況：

空服員要係飛機推離停機坪、機艙做完安全示範同起飛之間嘅時間做安全檢查，確保所有乘客都係最安全嘅位置同狀態（例如安全帶扣好，餐桌收好，椅背豎直等），以致touchwood有咩事，走都走得快啲，同減低死傷機會。如果係呢段時間，因為客人一個non-safety request，而我因為「以客為先」而先entertain你嘅話，我check唔晒個cabin，你話個責任係邊個到？我唔係唔想完成你request，但所有野都有先後次序，我做完重要嘅野，我一定會去完成你嘅request。性命，絕對比任何野緊要。如果我check唔晒個cabin，而touchwood有咩事發生，啲人椅背全部唉後晒，開晒檯，未扣安全帶，佢地就會走唔切，會受傷，呢啲野係無野救得返。我好心同你講一句，你同我拗，話返我轉頭，我忍你。但我做人有原則，我唔會因為你一句說話而改變我個人想法，我到而家都覺得safety comes first，唔好以為做客大晒，就算你有錢坐J，我都係同一個態度，我都係會check晒cabin先，只係J個cabin細D，應該好快check完去做你request囉。

到底係一個顧客為先，定係所有顧客為先，聰明人，大方嘅人，自己諗。
做人，都係唔好咁自私好。

搭飛機，唔想死嘅，安全第一，safety comes first，明唔明？