一系列感受誌：我講世界

呢個世界真係荒謬到無眼再睇落去。

嗰邊箱某個國度周圍有輪姦強姦案，若無其事。
那邊箱某個地方有疑似輪姦兇殺案，砌佢係自殺想就咁結案。(#@!$!@#%，又一單被自殺?!)
那邊箱某個國家黑箱作業，幽靈選票，熄一熄燈咁就變左啲票出黎，千奇百趣。
然後這邊箱有個地方有條大話精係到擦大佬鞋，乜都要睇上頭同有錢佬面色，人地話乜就做乜。

我唔＿明點解做埋啲咁無人性嘅野啲執法人員都可以當睇唔到。
我唔＿明點解啲人可以以權謀私到咁仲要做到咁低手到底係啲人白痴定係特登有心咁樣做引啲人出黎然後又宣示自己嘅力量同權力有幾咁大。
我唔＿明人點解可以貪錢貪到一個咁嘅地步發天災財唔怕比天收。
我唔＿知到底係我長大左發現社會嘅黑暗，定係呢個地方真係比人赤化然後被染污搞到咁黑暗個＿個都黑箱作業扯貓尾同埋以權謀私。

我見到人地隔離，致力搞文化保育，將自己地方嘅文化遺產去做推廣，令人地了解同認識更多關於佢地嘅地道文化，然後藝術發展又有一定嘅地位，比返真係搞藝術嘅人去搞，我睇返轉頭自己呢個地方又做緊乜，我淨係見到啲金鋪，地產霸權，地道文化小鋪無晒，扼殺獨立藝術工作者嘅生存機會，然後官方藝術機構又搞堆屎出黎，係真係一堆屎。

真係#$!@#$@#$%，我想搵間茶餐廳食下野，變晒得返翠華，銀龍都無得比我揀。
我想搵間大排檔，頂你你搵間太興黎塞住我把口黎侮辱我味蕾！？
我想搵個樸素啲嘅地方行下街姐，你收左我間瓊華黎比間F21我做乜？！

睇左咁多咁荒謬嘅野，發生左咁多咁瘋癲嘅事，然後我見到張稅單.......
我心裡已經講左無限句粗口，就咁比班高(膠)官唗晒我啲錢，
我拎我交嘅稅去捐比班工友唔好，點解要出糧比你地班蛋散，
香港人，怒氣真係好多。
但我諗過，其實係呢個世界咁荒謬，唔止係香港一個地方。
oh yes, 隔離飯香。
唗氣啦，家家有本難唸的經，差在邊本啃啲架姐，
你唔係嗰個地方生活，永遠唔知邊個啃啲，都係你睇人好人睇你好。
雖然，我係真心羡慕人地搞藝術文化可以搞得咁好囉。